o bardo enfúndase pantalóns negros de coiro
o bardo absorbe cubatas na barra dos bares
o bardo berra himnos patrios no salón vermello
que din os rumorosos na costa verdecente?
que din os rumorosos na costa verdecente?
-non din nada non din nada, monada
o bardo das idades regresa tarde á casa
é dos que nunca petan cos cotenos na porta
é dos que pegan un berro e unha épica patada
(a patada etílica de estilo masculino)
o bardo usa o seu puño de ferro
o puño de ferro cargado nos bares
o puño que sempre peta na muller
(a costela edénica o repouso do guerreiro)
catorce denuncias na comisaría
catorce impresos impregnados de sangue
a policía atende amable a muller
a polocóa viste uniforme de home
os homes non choran pero violan
os homes píllanas entre os pinos soas
na parede da comisaría hai un calendario azul
na bandeira da tribo tamén hai unha franxa azul
carlos negro: far west, 2001.
a imagem tire-na de aqui. é de david silvosa e leva por título ¿que din os rumorosos na costa... a sua série nest week... next sentence é muito interessante.
Nenhum comentário:
Postar um comentário
nom há pontada sem fio